Олон улсын бөхийн төрлүүдийн нэгдсэн холбооны яаралтай хурлаар тус холбооны ерөнхийлөгч Рафаэл Мартинеттиг өнгөрөгч амралтын өдөр огцруулжээ. “Олимпийн төрлөөс чөлөөт болон сонгомол бөхийг хасахад хүргэсэн гол шалтгаан юу байв” гэсэн асуултад Рафаэл Мартинетти тоймтой хариулт өгч чадаагүйн дээр индэр дээр үг хэлснийхээ дараа хурлын танхимыг шууд орхин гарсан аж.