Манай улсад анх удаа чөлөөт бөхийн Дэлхийн цомын эмэгтэйчүүдийн чөлөөт бөхийн тэмцээн болж байгаа билээ. Одоогийн байдлаар манай баг хоёрдугаар дэвжээнд Канадын багтай учраа таарч эхний ялалт байгуулсан бол манай бөхчүүдээс 51 кг-д дэлхийн залуучуудын аварга Э.Даваачимэг, 55 кг-д ОУХМ Ц.Бямбасүрэн, 59 кг-д ОУХМ Т.Мөнхтуя, 63 кг-д олимпийн хүрэл медальт, МУГТ С.Батцэцэг, 67 кг-д дэлхийн аваргын хошой хүрэл медальт, МУГТ О.Насанбурмаа, 48 кг-ын жинд МУГТ Ц.Энхжаргал, МУГТ 72 кг-д О.Бурмаа нар зодоглосон юм. ОУХМ Ц.Бямбасүрэн,  Гавьяат тамирчин С.Батцэцэг, О.Насанбурмаа, Бурмаа нар ялалт байгуулж 4:3-ийн харьцаагаар эхний ялалтаа авлаа.  Хятадын баг Беларусыг 7:0, Японы баг Энэтхэгийн багийг 5:2-ийн харьцаагаар ялалт байгуулжээ. Нөгөө хэсэгт Америкын баг Казахстаны багийг 7:0-ийн харьцаагаар рожсон тухай мэдээлэл бидэнд ирүүлжээ. Дашрамд дурдахад анх удаа болж байгаа энэ тэмцээнд дэлхийн найман орны хүчтнүүд хурд хүчээ үзэж байгаа аж. Оролцож буй орнуудаас АНУ, Япон, БНХАУ, Канад, Энэтхэг, Казахстан, Беларусь зэрэг чөлөөт бөхийн өлгий орон гэгдэг улс орнууд оролцож байгаа ч манай бөхчүүд тэмцээний гараагаа тун ч амжилттай эхэллээ.