АНУ - ын түүхэнд хамгийн олон хүний аминд хүрсэн халдлагыг үйлдсэн Омар Матин гэгч “Халдлага үйлдэнэ” гэж фэйсбүүк хуудсаар дамжуулан сүрдүүлж байсныг илрүүлэн тогтоосон билээ . Тус улсын Сенатын Дотоодын аюулгүй байдлын хорооны дарга Рон Жонсон хэлэхдээ “Матины фэйсбүүк хаягууд хаагдсан учраас бичсэн мессежүүд нь хүмүүст харагдах боломжгүй. Гэхдээ мөрдөн шинжээчид зарим мессэжийг нь сэргээж чадсан” гэв. Тухайлбал, Омар Матин фэйсбүүк хуудсандаа “Ойрын өдрүүдэд“ Ис ламын улс ”АНУ - д халдлага үйлдэхийг та нар харах болно” гэж бичсэн байжээ . Омар Матин нь 29 настай бөгөөд афганистан гаралтай АНУ - ын иргэн юм . Тэрбээр Флорида муж улсын Орландо хотын ижил хүйстнүүд цугладаг “The Pulse” шөнийн цэнгээний газар руу энэ сарын 12- нд дайран орж, гал нээн 50 хүний амийг зэрлэгээр хөнөөжээ. Уг хэргийг “террорист халдлага” гэж үзэн мөрдөн шалгаж байна гэж Холбооны мөрдөх товчоо мэдэгдлээ.