Өнөө өглөө Шинэ Зеландад агаарын бөмбөлөг дэлбэрч нисгэгч болон зорчигчид нийлсэн 11 хүн амиа алдсан харамсалтай хэрэг гарсан байна. Ослоос нэг ч хүнийг аварч чадаагүй бөгөөд тус хэрэг зүүн хойд Веллингтон мужийн хот Картертоны ойролцоо болсон ажээ. Ослын газрын ойролцоо байсан гэрчүүдийн хэлж байгаагаар бөмбөлөг дээрээс гал гэнэт авалзаж эхэлсэн бөгөөд улмаар цог, оч нь доош унаж эхэлсэн гэсэн байна. Одоогийн байдлаар гал юунаас үүдэн гарсан эсэх нь тодорхойгүй байгаа бөгөөд хэргийн газрын ойролцоо оршин суудаг нэгэн иргэн бөмбөлөг цахилгааны утастай шүргэлцэж, улмаар дэлбэрэхийг харсан хэмээн мэдүүлжээ. Бөмбөлөг дэлбэрэх болсон шалтгааныг цаг ууртай холбон тайлбарлах үндэслэлгүй бөгөөд өнөө өглөө цаг агаар бөмбөлөг хөөргөхөд тохиромжтой тогтуун, сайхан байсан гэнэ. Хэргийг шалгах ажил ид дундаа өрнөж байна.