Брэд хэлэхдээ: “Хүүхдүүд маань биднээс хуримын талаар үргэлж асууж, шалгаадаг. Тиймээс тэднийхээ хүслийг биелүүлж, амьдралынхаа баяр жаргалтай мөчөө хуваалцахыг хүсч байна. Хүүхдүүдэд маань сайхан дурсамж үлдээнэ шүү дээ” хэмээв. Тэрээр “Гэхдээ,  хуримаа хийнэ гэж хэлэхэд эрт байна. Энэ бол бидний хоорондоо сайн ярилцсаны эцэст гаргах шийдвэр” гэжээ.
Хосуудын хувьд хамтын амьдралаа зохиосноосоо хойш хэдийнэ зургаан хүүхэдтэй болоод байгаа бөгөөд өөрсдийн 5 настай Шило, 3 настай ихрүүд Нокс, Вивиене нараас гадна өргөж авсан хүүхдүүд болох 10 настай Маддокс, 8 настай Пакс, 6 настай Захара нарынхаа хамтаар аз жаргалтай амьдарч байгаа билээ. Жолие энэ жил долоо дахь хүүхдээ гаргахаар төлөвлөөд байгаа юм.