Түвдийн уламжлалт ёс, шашны эрх чөлөөнд нь халдаж байгаа Хятадын удирдлагуудад уурссан Түвдийн босогчид өнгөрсөн долоо хоногт Сычуань мужийн баруун өмнөд хэсгийн уулархаг бүст  цугларч, үзэл бодлоо илэрхийлжээ.

Түвдийн уламжлалт ёс, шашны эрх чөлөөнд нь халдаж байгаа Хятадын удирдлагуудад уурссан Түвдийн босогчид өнгөрсөн долоо хоногт Сычуань мужийн баруун өмнөд хэсгийн уулархаг бүст цугларч, үзэл бодлоо илэрхийлжээ. Тус бослогыг эсэргүүцсэн Хятадын цагдаа, цэргийн хүчнийхэн гал нээсний улмаас Түвдийн долоон иргэн амиа алдаж, 60 иргэн хүндээр шархдсан байна. 

Тус хэрэгтэй холбогдуулан асуудал мандаад байгаа энэ үед  Хятадын англи хэл дээр хэвлэгддэг “China Daily” сонины өчигдрийн дугаарт Дээрхийн гэгээн, XIV Далай Ламыг Барууныхантай хүчээ нэгтгэж, Хятадын эсрэг босох гэж байгаа тухай онцлон нийтэлжээ.
“Өнөөдрийн энэ нийгэмд, цаг хэцүү болсон үед улайран уурссан босогчдын “толгойлогч” нэг мужийг төдийгүй, улс орныг нийтэд нь ч түйвээж мэдэх юм”хэмээн бичсэн байв. Түүнчлэн, “Далай Лам Барууны  засгийн газруудын дэмжлэг, нөлөөн дор байдаг, хэрвээ түүнийг хүсэх юм бол тэдний зүгээс манай орныг чиглэсэн ямар ч нууц дайралт, халдлага хийгдэхийг үгүйсгэхгүй” хэмээсэн байжээ.