Энэтхэгт улстөрийн нэрт зүтгэлтэн Махатма Гандиг дууриасан 485 хүүхэд цугларч “Гиннес”-ийн номонд бичигджээ. Эдгээр хүүхэд энэ сарын 29-нд Калькутта хотод цуглаж энх тайвны жагсаалд оролцсон байна. Тус улсын “T.R.A.C.K.S” буяны байгууллага 485 хүүхдийг цуглуулан гадаад төрхийг нь Махатма Ганди шиг болгон өөрчилж “Гиннес”-ийн номонд бүртгүүлжээ.

Тус байгууллага энэ үйлдлээрээ төмөр замын өртөөнүүд дээр бусдын тусламж дэмжлэггүйгээр амьдарч буй хүүхдүүд, тэдний ээж болох өрх толгойлсон эмэгтэйчүүдэд олны анхаарлыг хандуулахыг зорьсон гэж мэдэгджээ.