Леонардо да Винчийн алдарт Мона Лиза уран зургийн эртний хуулбарыг Мадрид хотын “Прадо” хэмээх музейгээс олжээ. Энэ нь эх хувилбараасаа төдийлөн ялгагдахгүй ч бүсгүйг хар гялгар будгаар зурсан байна гэж мэргэжилтнүүд үзжээ. Уг хуулбарыг XVI зууны үед Леонардогийн шавь, багшийнха тусламжтайгаар бүтээсэн байж магад хэмээн таамаглаж байгаа ажээ. Зургийн эх хувь Парисын “Лувр” музейд хадгалагдаж байдаг агаад зургийг сэргээн засварлах боломжгүй хэмээн судлаачид үзсэн байна. Хуулбар зургийг “Лувр” дахь жинхэнэ зурагтай харьцуулахад залуу бөгөөд үзэсгэлэнтэй харагдаж байжээ. Зарим судлаач уг хуулбар зургийг алдарт зураачийг нас барсны дараа зурагдсан гэж үзэж байна. Лондон хотын Төв галерейд дээрх хоёр зургийг харьцуулан судалж байгаа гэнэ. Ирэх сард “Лувр” музейд энэхүү хоёр зургийг хамтад нь дэлгэж олонд үзүүлэх аж.

UNEN.MN