НИТХ өнөөдөр Хангарьд ордонд боллоо. Хуралдааны үеэр НИТХ-ын дарга С.Амарсайханыг огцруулах асуудлыг НИТХ дахь АН-ын бүлэг өргөн барилаа. Түүнийг огцруулах үндэслэлдээ гэр хорооллын дахин төлөвлөлтийн ажлыг хэрэгжүүлэх бодит ажил бус, тунхагийн шинж чанартай болсон, санхүүжилтийн эх үүсвэр бүрэн тодорхойгүй байгаагаас гадна НИТХ-ын хуралдааны дэг зөрчигдөж, эмх замбараагүй байдал үүссэн гэж НИТХ дахь АН-ын бүлэг үзжээ. НИТХ дахь АН-ын бүлгийн дарга Ц.Баатархүү “НИТХ-ын дарга хуулийг хэрэгжүүлж ажиллах үүргээ биелүүлэхгүй, бүрэн эрхээ хэрэгжүүлэхгүй байна” хэмээн хариуцлага тооцож, огцруулах санал гаргалаа.

Б.Цэнгэл