еКосовогийн таван настай бяцхан охин их цасан хунгарт дарагдан нурсан байшингийнхаа доороос 10 цагийн дараа амьд олджээ.

Косовод амьдардаг таван настай бяцхан охин их цасан хунгарт дарагдан нурсан байшингийнхаа доороос 10 цагийн дараа амьд олджээ. Бямба гарагт хунгарлан орсон их цас Косово мужийн өмнөд хэсэгт орших 15 өрхийн байшинг дарж, улмаар охины эцэг, эх болон бусад хүмүүс нийлсэн 9 оршин суугчийг амиа алдахад хүргэсэн байна.
Охин 10 метр гүн цасан хунгар дор дарагдсан байсныг Онцгойгийнхон гаргаж авчээ. Эмч нар охиныг эмчилж, шаардлагатай тусламжийг үзүүлж байгаа бөгөөд биеийн байдал нь сайжирч байгаа гэнэ.
Европт орсон их цасны улмаас нас барсан иргэдийн тоо нэмэгдсээр байгаа бөгөөд Серби, Косовогийн тосгонууд одоогоор гэрэл цахилгаангүй болоод байгаа юм. Цаг уурчдын хэлж байгаагаар энэ сарын сүүл хүртэл хүйтний эрч сулрахгүй бөгөөд Европын олон орон онц байдал зарлаад байгаа юм байна.