Өчигдөр Тайландын нийслэл Бангкокт гурван удаагийн хүчтэй дэлбэрэлт болжээ. Эхний дэлбэрэлт өчигдөр үд дунд нэгэн байшин дотор болсон байна.

Өчигдөр Тайландын нийслэл Бангкокт гурван удаагийн хүчтэй дэлбэрэлт болжээ. Эхний дэлбэрэлт өчигдөр үд дунд нэгэн байшин дотор болсон байна. Дотор нь байсан нэгэн эр сууцнаас нэн даруй гарч, такси руу орохыг завдсан боловч, дараагийн дэлбэрэлтүүд таксины ойролцоо болж, тэрээр хөлөө хүнд бэртээжээ.Таксины жолооч болон бусад хэд хэдэн хүн шархдаж, бэртэж гэмтсэн байна.
Цагдаагийнхан хохирогчийн биедээ авч явсан пасспортыг шалгаж үзэхэд тэрээр Ираны иргэн байсан гэнэ. Цагдаагийнхан дэлбэрэлтийн шалтгааныг тогтоохоор ажиллаж байгаа бөгөөд эхний дэлбэрэлт болсны дараа байшингаас гарч зугтсан хоёр эрэгтэйг эрэн сурвалжилж байна.
Тайланд дахь АНУ-ын Элчин Сайдын Яамнаас өнгөрөгч сард Бангкокт террорист халдлага үйлдэгдэж болзошгүй хэмээн сэрэмжлүүлгийг гаргаж байсан ажээ.