Нийслэлийн I-дүгээр дунд сургуульд өчигдрөөс эхлэн 14 хоногийн хугацаатай хөл хорио тогтоох болжээ. Учир нь тус сургуулийн нэгдүгээр ангийн нэг бүлгийн 3-4 хүүхэд хоёр долоо хоногийн өмнө гахайн хавдар өвчнөөр өвчилжээ. Хүүхдүүдийг хичээлд нь явуулахгүй тусгаарласан байсан ч бусад сурагчид нь нэмж өвчилсөн тул тухайн ангийн хичээлийг түр хугацаагаар завсарлуулаад байгаа юм байна. Улаанбаатар хотод 11 төрлийн халдварт өвчний 251тохиолдол бүртгэгдсэн бөгөөд энэ оны нэгдүгээр сарын байдлаар улсын хэмжээнд 249 хүүхэд гахайн хавдараар өвчилжээ. 

www.UNEN.MN Ч. Батцэцэг