17-р жарны “Баясгалан” хэмээх усан луу жилийн ажлын эхний өдөр эрүүл мэндийн салбарынхан “Эмнэлэгийн тусламж, үйлчилгээний чанарын жил”-ийн ажлыг албан ёсоор эхлүүлж, Эрүүл мэндийн сайд Н. Хүрэлбаатар төв эмнэлэгүүд, болон тусгай мэргэжлийн төвүүдэд Удирдах зөвлөл ажиллах болсныг  мэдээллээ. Эмнэлэгүүд бие даан үйл ажиллагаа явуулж, хөгжих нөхцөлийг хангах зорилгоор ийнхүү Удирдах зөвлөлтэй болжээ.

17-р жарны “Баясгалан” хэмээх усан луу жилийн ажлын эхний өдөр эрүүл мэндийн салбарынхан “Эмнэлэгийн тусламж, үйлчилгээний чанарын жил”-ийн ажлыг албан ёсоор эхлүүлж, Эрүүл мэндийн сайд Н. Хүрэлбаатар төв эмнэлэгүүд, болон тусгай мэргэжлийн төвүүдэд Удирдах зөвлөл ажиллах болсныг  мэдээллээ.
Эмнэлэгүүд бие даан үйл ажиллагаа явуулж, хөгжих нөхцөлийг хангах зорилгоор ийнхүү Удирдах зөвлөлтэй болжээ. Удирдах зөвлөлийн бүрэлдэхүүнд эрүүл мэндийн асуудал эрхэлсэн төрийн захиргааны төв байгууллага, эмнэлэг, үйлчлүүлэгч тус бүрээс 3 хүнтэй төлөөлөл бүхий нийт 9 хүн ажиллах аж.
Тус арга хэмжээнд ЭМЯ-ны газар, хэлтсийн дарга нар, харьяа агентлагууд, төв эмнэлэг болон тусгай мэргэжлийн төвүүдийн дарга, эмчилгээ эрхэлсэн орлогч дарга, чанарын албаны дарга нар оролцлоо.  Энэ ажлын хүрээнд 9 зорилт бүхий , зорилт тус бүр нь 9 багцаас бүрдэх, нийт 81 ажил хийх бүтээлч санаачлага өрнүүлэн төлөвлөгөө боловсруулж, хэрэгжүүлэн ажиллаж эхэллээ. Үүнд:

1.    Эмнэлгийн удирдлага, зохион байгуулалт, санхүүжилтын тогтолцоог боловсронгуй болгох
2.    Эмч, эмнэлэгийн мэргэжилтнийг чадавхжуулж, ёс зүй, хариуцлагыг дээшлүүлэх
3.    Иргэдийн эрүүл мэндийн боловсролыг дээшлүүлэх
4.    Үйлчлүүлэгчдэд ээлтэй орчин бүрдүүлэх
5.    Эмнэлэгийн тусламж, үйлчилгээнд шинэ технологи нэвтрүүлэх
6.    Эм, эмнэлэгийн хэрэгсэл, тоног төхөөрөмжийн чанар, хангамжийг сайжруулах
7.    Эмнэлэгийн тусламж, үйлчилгээний чанарын хяналтын тогтолцоог боловсронгуй болгох
8.    Сувилахуйн тусламж, үйлчилгээг чанартай хүргэх
9.    “Эрүүл хүүхэд-Монголын ирээдүй”  аян зохион байгуулах