Хөхөнцрийн вирус нь умайн хүзүүний хорт хавдар үүсгэх гол шалтгаан болдог. Манай улсын хувьд умайн хүзүүний хорт хавдар нь эмэгтэйчүүдийн хавдрын хоёр, нийт хүн амын хорт хавдраар нас баралтын дөрвөн хувийг эзэлдэг. Иймээс нийслэлийн Баянгол, Багануур дүүрэг болон Сэлэнгэ, Өмнөговь аймгийн 11-15 настай охидыг хүний хөхөнцөрийн вирусын эсрэг вакцинжуулалтад хамруулахаар болсон. Эхний ээлжинд Баянгол дүүргийн ерөнхий боловсролын 20 дугаар сургууль дээр вакцинжуулалт өчигдөр эхэллээ. Үүний дагуу ХӨСҮТ-ийн хэвлэл мэдээллийн ажилтан Ч.Уртнасангаас зарим зүйлийг тодрууллаа.

-Эхний ээлжинд умайн хүзүүний хорт хавдрын тархалт ихтэй Сэлэнгэ, Өмнөговь аймаг болон нийслэлийн Баянгол, Багануур дүүргийн 11- 15 насны 14491 охидыг гурван үе шаттайгаар вакцинд хамруулна. Эхний үе шат өнөөдөр эхлээд энэ сарын 17-нд дуусна. 

-Хөхөнцрийн вирусээс хамгаалах вакцин учраас биед гаж нөлөөлөх зүйлгүй. Тиймээс эцэг эхчүүд, охидууд ч санаа зовох зүйлгүй байж болно. 

-Вакциныг саяхнаас шийдвэрлээд хийхээр болсон юм биш. 2005 оноос энэхүү хөхөнцрийн вирусын эсрэг вакциныг хийж эхлэе гэсэн төлөвлөгөө гараад, вакцины судалгаа шинжилгээ хийсээр өнөөдрийг хүрчээ. АНУ-д тус вакциныг 40 сая хүнд хийсэн. Үүний дараа гэнэтийн осол аваар, тодорхой шалтгааны улмаас 70 охин нас барсан гэх мэдээлийг ДЭМБ-аас өгсөн. Ер нь 40 сая хүнээс тус вакцинаас шалтгаалсан нас баралт 001 хувь байна гэсэн судалгаа ч байдаг юм билээ. Тиймээс энэ вакцин аюулгүй. 

-ДЭМБ-аас 99.5 хувийн баталгаа гаргаж өгсөн. 

-Хүн амынхаа эрүүл мэндийг бодвол вакцинд бүгдийг нь хамруулмаар байна. Гэхдээ вакцин худалдаж авах өртөг нь маш өндөр. Эхний удаад “Мянганы сорилын сан”-гаас үнэгүй хийж байгаа юм. 

-Ерөнхийдөө өсвөр насны охидыг вакцинд хамруулж байгаа гол шалтгаан нь бэлгийн харьцаанд ороогүй, хүний хөхөнцрийн вирусээр өвчл өөгүйд байгаа юм. Хэдийгээр бэлгийн харьцаанд орсон ч шаардлагатай шинжил гээг хийл гээд халдваргүй гэвэл хийлгэж болно.

-Өнөөдөр 114 орны охидыг энэ вакцинд хамруулахаар болсон. Одоогийн байдлаар 25 орны охид вакцинд хамрагдаад байна. -Тус вакцины найрлагад юу юу орсон юм бол. Энэ талаар судалсан зүйл байна уу? -Манай улс В гепатитын вакциныг 20 жил хийгээд байна. Энэ вакцинтай адилхан аргаар бүтээгдсэн вакцин юм.