Дэлхийн нийтийн хэмжээнд жил бүр 3-р сарын 24 өдрийг “ Сүрьеэтэй тэмцэх дэлхийн өдөр ” болгон тэмдэглэж ирсэн билээ. Үүнтэй холбогдуулан Эрүүл мэндийн яам, Глобаль сан, Монголын сүрьеэтэй тэмцэх нэгдсэн холбооноос  “Сүрьеэгүй Монголд амьдрахыг хүсч байна” уриалгатай семинарыг энэ сарын 19-өөс 20-ны хооронд зохион явуулав. Уг семинарт 21 аймаг, 9 дүүргийн ЗДТГ-ын нийгэм хөгжлийн хэлтсийн дарга нар Эрүүл мэндийн байгууллагын удирдлагууд, сүрьеэгийн хөтөлбөрийн зохицуулагч эмч нар оролцсон юм.

Сүрьеэгийн тусламж, үйлчилгээнд тулгамдаж буй хүний нөөцийн асуудлыг хэрхэн шийдвэрлэх болон уг өвчинтэй тэмцэх, сэргийлэх үйл ажиллагааг үр дүнтэй хэрэгжүүлэх талаар санал солилцож, өмнөх жил хийж хэрэгжүүлсэн ажил үйлсээ танилцуулахын зэрэгцээ цаашдын зорилтот ажлаа ярилцлаа.