Тэгэхээр энд 0-1 насны найман хүүхэд ээжтэйгээ хамт байдаг юм байна. Энэ хүүхдүүдийн өндрийг хэмжих, жинг хэмжих, ээжтэй нь хамт хэмжих нарийн тоног төхөөрөмж байдаггүй. Тиймээс энэ бүгдийг нь бүртгэж аваад   дараагийн ээлжинд өгөх бодолтой байна. Одоогийн байгаа жин нь том хүмүүсийг хэмждэг аппарат юм. Хүүхдүүд энд нэг нас хүртлээ ээжтэйгээ байж, ер нь хүүхдүүд хоёр нас хүртлээ дор хаяж зургаан сар эхийнхээ сүүг  амлаж хооллож байсанаар тухайн хүүхдийн цаашдын өсөлт, уураг тархины хөгжил маш сайн явагддаг. Тэр утгаараа ийм насны хүүхдүүд энд ээжтэйгээ байгаа. Нэг нас хүрээд тусгаарлагддаг юм байна. Бас хүүхдүүдэд нэн шаардлагатай эрүүл мэндийг нь анхаарах үүднээс тоног төхөөрөмжийг өгье гэж төлөвлөлөө. Мөн эрүүл мэндийн салбарт хэрэгжиж байгаа Азийн хөгжлийн банкны тусламжаар таван дүүргийн бүх хүүхдүүдийг бичил хоол тэжээлийн төсөлд оруулдаг. Мөн ээж нарыг нь бүртгэлд хамруулан тусладаг. Тэр төслийнхөө хүрээнд энд цөөхөн хүүхэд байгаа учраас цаашид байх хугацаанд нь бичил тэжээлээр хангах бодолтой байна. Харин ч бусад энгийн эмэгтэйчүүдийг бодвол эмч нартаа тогтмол үзүүлдэг, эичилгээ үйлчилгээ авах тал дээр гайгүй сайн бүрдсэн гэж үзэж байгаа. Түрүүчийн удаа Эмэгтэйчүүдийн эрхийг хамгаалах өдөр энд ирж зургаан нарийн мэргэжлийн эмч нарыг авчран энд байгаа хүүхдүүд болон ээж нарыг нь үзлэг шинжилгээнд хамруулсан.

Сүүдэрт амьдралыг орхин тэнгэрлэг ээж, сайхан хань, ачлал асралын билэгдэл болохын төлөө тэмцэж тэвчээр ухаарал, итгэлийг олох нь бидний эрхэм зорилго хэмээх өгүүлбэр тэдний соёл хүмүүжлийн самбар дээр харагдлаа. Иймээс энд байгаа бүх сайхан ээж нар болон охидууддаа өөртөө итгэлтэй, сэтгэлийн хаттай байж хайртай бяцхан үрс болон халуун дулаан гэр бүлдээ хурдан очоорой гэж захимаар байна.