Ус цаг уур, орчны судалгаа шинжилгээний хүрээлэнгийн Урьдчилан мэдээлэх төвийн цаг уурч Э.Дариймаагаас ойрын өдрүүдийн цаг уурын төлөв байдлын талаар тодрууллаа.

-Нийт нутгаар ирэх долоо хоногт цаг агаар ямар байх төлөвтэй байна вэ?

- Ойрын өдрүүдэд хур тунадас орж сэрүүснэ. Энэ сарын 17-нд нутгийн хойд хэсгээр, 18-нд төв болон зүүн аймгуудын хойд, 19- нд баруун аймгуудын баруун хэсгээр, 20-нд баруун болон төвийн аймгуудын зарим нутгаар цас орно. Салхи ихэнх хугацаанд зарим газраар секундэд 12-14 метр хүрч ширүүснэ. Алтай, Хангай, Хөвсгөл, Хэнтийн уулархаг нутгаар шөнөдөө 10-15 хэм хүйтэн, өдөртөө гурван хэм дулаанаас хоёр хэм хүйтэн, говийн бүс нутгийн өмнөд хэсгээр шөнөдөө -1-ээс +4 хэм дулаан, өдөртөө 14-19 хэм, бусад нутгаар 3-8 хэм дулаан байна.

-Улаанбаатарт цаг агаар ямар байх бол?

-Өнөө маргаашдаа үүлэрхэг, бага зэрэг цас орно. Салхи баруун хойноос секундэд 5-10 метр хүрч, шөнөдөө -3 -7 хэм хүйтэн, өдөртөө 2-5 хэм дулаан байна.

Б.Мөнх