Дэлхийн аялал, жуулчлалын миссийн тэмцээнд эх орноо төлөөлж оролцсон Б.Гүнзаяа гуравдугаар байрт шалгарчээ. Тэмцээнд дэлхийн 56 орны мисс оролцсон байна. Олон сая хүнээс шалгарсан улс, улсын шилдэг охидтой мөр зэрэгцэн өрсөлдсөн тэрбээр “Монголынхоо нэрийг дуудуулж чадсандаа баяртай байна.

Хэдийгээр би Бат-Эрдэнийн Гүнзаяа хэмээх нэрээр энэхүү тэмцээнд оролцсон ч эх орныхоо нэрээр овоглож яваа учир үзүүлбэр бүрт чин сэтгэлээсээ хичээн оролцож Монголоороо гайхуулах, омогших алтан агшин болгоныг зүрх сэтгэлээсээ илэрхийлж явлаа” хэмээн сэтгэгдлээ илэрхийлжээ.

Г.Сүрэн