Тайз, дэлгэцийн оны шилдэг уран бүтээлчийг шалгаруулна

Монгол Улсын Засгийн газрын 2008 оны 195 дугаар тогтоолоор батлагдсан

журмын дагуу "Мөнгөн мод 2019" тайз, дэлгэцийн оны шилдэг уран

бүтээлчийг шалгаруулах гэж байна.

Зорилго: Уран бүтээлийн чанарыг сайжруулж, хүртээмжийг нэмэгдүүлэх, уран

бүтээлчийн билэг авьяасыг үнэлэх, урамшуулах замаар өмчийн хэлбэр

харгалзахгүй соёл, урлагийн салбарын оны шилдэг уран бүтээлч

шалгаруулах.

Нэр дэвших номинаци:

 Тайз, дэлгэцийн найруулагч

 Тайз, дэлгэцийн жүжигчин

 Тайз, дэлгэцийн зураач

 Хөгжимчин

 Дуучин

 Бүжигчин

 Соёлын биет бус өвийг өвлөн уламжлагч

Шилдэг уран бүтээлчид нэр дэвшүүлэх:

- Соёл, урлагийн байгууллага, хуулийн этгээд;

- Байгууллага, хуулийн этгээдэд хамаардаггүй иргэнийг тухайн орон

нутгийн Засаг дарга;

Шилдэг уран бүтээлчид нэр дэвшүүлэхэд бүрдүүлэх баримт бичиг:

• Уран бүтээлчийн дэлгэрэнгүй анкет;

• Эрх бүхий болон мэргэжлийн байгууллагын тодорхойлолт;

• Уран бүтээлийн жагсаалт;

• Шилдэг уран бүтээлчид нэр дэвшүүлэх үндэслэл, туурвисан бүтээлүүдийн

онцлог, үр дүн, ач холбогдол;

• Тухайн онд улс болон олон улсын тэмцээнд оролцож амжилт гаргасан бол

холбогдох гэрчилгээ, батламжийн хуулбар;

• Нэр дэвшсэн уран бүтээлчийн мэргэжлийн ур чадварыг илэрхийлэн батлах

зорилгоор видео, аудио бичлэг, CD, фото зураг, бусад баримт ирүүлж

болно.

Нэр дэвшигчдийн баримт, бичгийг 2019 оны 12 дугаар сарын 24-ний дотор

Засгийн газрын хэрэгжүүлэгч агентлаг Соёл, урлагийн газарт ирүүлнэ.

Хугацаанаас хоцорч ирсэн баримт бичгийг хүлээн авахгүй болно.

Дэлгэрэнгүй мэдээллийг 51/264944 утаснаас лавлана уу.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)